ЯҢАЛЫКЛАР
Бөгелмә районының «Ялкын» балалар һәм яшүсмерләр өчен социаль приютында Фимбо интуитив музыка коралын кулланып «Кәеф авазлары» индивидуаль дәресләре узды. Әлеге корал белән Авыр тормыш хәлендә калган балаларга ярдәм фонды ярдәмендә 2024–2025 елларга балалар иминлеген тәэмин итүнең төбәк системасын үстерү буенча чаралар комплексын гамәлгә ашыру кысаларында уен терапиясе кабинеты җиһазландырылган.
Татарстан Республикасы хезмәт хакларының еллык үсеш темплары буенча алдынгы төбәкләр арасында. Бу хакта Россия Банкының докладына сылтама белән «Известия» хәбәр итә.
Татарстан Республикасы Хезмәт, халыкны эш белән тәэмин итү һәм социаль яклау министрлыгы 2025 елның 1 декабреннән 30 декабренә кадәр техник сәбәпләр аркасында Казанның Вахитов һәм Идел буе районнарында яшәүче аерым бюджет тармаклары хезмәткәрләрен һәм пенсионерларны шифаханә-курорт дәвалану (шифаханә-курорт дәвалануга юлламалар һәм шифаханә-курорт дәвалануга электрон сертификатлар) мәсьәләләре буенча кабул итү Министрлыкта гамәлгә ашырылачагы турында хәбәр итә (Казан шәһәре, Волгоград ур., 47 йорт, 101 нче каб.).
Яңа Чишмә өлкәннәр һәм инвалидлар интернат-йорты карамагындагылар II «Җаннар бердәмлеге» бөтенроссия башкару сәнгате конкурс-фестиваленең лауретлары булдылар.
Теләче районы «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Фәния Гайнетдинова «Ярдәм кулы» программасы кысаларында көндезге тору бүлеге эше белән танышу әңгәмәсе үткәрде.
11 декабрьдә Менделеевск районының «Кама таңнары» балалар һәм яшүсмерләр өчен социаль приютының мәктәпкәчә төркемендә тәрбияләнүчеләр менталь арифметика буенча чираттагы дәрестә кабат мавыктыргыч саннар һәм исәпләүләр дөньясына чумдылар. Дәрес «Менделеевск үзәне» мәгариф үзәге базасында узды, ул яшь балаларның интеллектуаль сәләтләрен актив үстерә.
12 декабрьдә «Энергетик» мәдәният сарае базасында Яр Чаллы шәһәренең «Изгелек» инвалидларны тернәкләндерү үзәгенең социаль хезмәт алучылары «Ачык канатлар» төбәк конкурсында катнаштылар. Чара мөмкинлекләре чикләнгән сәләтле кешеләрне җәлеп итүгә һәм ачыклауга юнәлдерелгән иде.
Ата-аналарга мәктәпкәчә белем бирү оешмаларында балаларны караган өчен түләүнең бер өлешен компенсацияләү – «Гаилә» илкүләм проект кысаларында гамәлгә ашырыла торган һәм Татарстан гаиләләре арасында аеруча популяр булган төп ярдәм чараларының берсе.
Аксубай районының «Хыял» балалар һәм яшүсмерләр социаль приютында тәрбияләнүчеләр төркеме күптән түгел «Алгоритмика» программалаштыру һәм математика мәктәбендә «Нейросмена 2.1» интенсивында укыды.
Яр Чаллыдагы «Энергетик» мәдәният сараенда ел саен үткәрелә торган «Ачык канатлар» фестивале узды, ул мөмкинлекләре чикләнгән кешеләр тормышында күңелгә үтеп керерлек вакыйгага әверелде. Чарага инвалид катнашучылар, шулай ук аларның якыннары, дуслары һәм кунаклар җыелды.