ЯҢАЛЫКЛАР

13 ноябрьдә Лениногорск районының «Исток-Башлангыч» халыкка социаль хезмәт күрсәтү комплекслы үзәге социаль педагогы Оксана Лямова Россиядә Гаилә елы кысаларында «Безнең балаларыбыз яклауга мохтаҗ» дигән темага түгәрәк өстәл уздырды. Чарада социаль хезмәтләр алучылар катнашты.

Кичә ведомствоара онлайн-семинар узды, ул психоэмоциональ җәрәхәтләр алган балаларга ярдәм итү темасына багышланган иде. Чарада педагог-психологлар, тәрбия эшләре буенча директор урынбасарлары, шулай ук тәрбия һәм мәгариф оешмаларының балалар иҗтимагый берләшмәләре белән хезмәттәшлек мәсьәләләре буенча директор киңәшчеләре катнашты.

Россиядә Гаилә елы кысаларында һәм балалар–ата-аналар мөнәсәбәтләрен гармонияләштерү, ата-аналарның балаларны тәрбияләү һәм үстерү процессларына аңлы һәм сакчыл мөнәсәбәтен формалаштыру максатларында Казандагы халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре гаиләдә рәхимсез мөгамәлә булган өчен психоэмоциональ травмалары булган балигъ булмаганнарга социаль-психологик ярдәм күрсәтү буенча «Үзеңне саклап» программасын гамәлгә ашыралар.

Рәхимсез мөгамәле профилактикалау буенча «Көч кулланмыйча тормыш» программасы кысаларында Биектау районындагы «Өмет» халыкка социаль хезмәт күрсәтү комплекслы үзәге психологы Алия Нигъмәтҗанова балигъ булмаганнар белән «Мин үзем өчен тора алам» дигән темага тренинг үткәрде.

Югары Ослан районында «Яшүсмер–2024» ведомствоара профилактика операциясе дәвам итә. «Гаилә» дип аталган операциянең өченче этабының бурычлары – имин булмаган гаиләләрне һәм авыр тормыш хәлендә калган балаларны, бала тәрбияләүдән читләшкән яисә бала белән рәхимсез мөгамәлә итүгә юл куйган ата-аналарны, шулай ук гомуми белем бирү учреждениеләрендә укымый торган мәктәп яшендәге балаларны ачыклау.

10 июльдә Лениногорск районының «Исток–Башлангыч» халыкка социаль хезмәт күрсәтү комплекслы үзәге психологы «Бала хокуклары һәм аларны яклау» акциясен үткәрде. Чараның максаты – җенси кагылгысызлыкка каршы җинаятьләрне профилактикалау.

13 июньдә Лениногорск районының «Исток–Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы «Үткәннең күләгәләре» кинолекторие үткәрде. Чара мәрхәмәтсез мөгамәләне профилактикалауга, катнашучыларны балаларга психологик-педагогик ярдәм күрсәтү ысуллары белән таныштыруга, шулай ук балаларга карата мәрхәмәтсез мөгамәләнең гомуми формалары турында мәгълүмат бирүгә юнәлдерелгән.

Татарстанның социаль хезмәт күрсәтү дәүләт оешмаларында балигъ булмаганнарга карата мәрхәмәтсез мөгамәләне һәм көч куллануны профилактикалау буенча гаиләләр һәм балалар белән социаль-тернәкләндерү эшенең сыйфатын күтәрү максатыннан ТР Хезмәт, халыкны эш белән тәэмин итү һәм социаль яклау министрлыгы һәм Министрлыкның Республика ресурс үзәге социаль программалар конкурсы үткәрделәр.

Түбән Кама районының «Шәфкать» халыкка социаль хезмәт күрсәтү комплекслы үзәге психологы Наталья Емельянова балигъ булмаганнар арасында мәрхәмәтсез мөгамәләне кисәтү буенча эш кысаларында «Аңлашылмаучанлык йомгагын сүтү» дигән дәрес үткәрде.

Биектау муниципаль районының «Өмет» халыкка социаль хезмәт күрсәтү комплекслы үзәге психологы Алия Нигъмәтҗанова «Апрельнең зәңгәр тасмасы» акциясен үткәрде. Ул балаларга карата көч куллануны булдырмауга юнәлдерелгән. Акциядә балигъ булмаганнар, ата-аналар, үзәк хезмәткәрләре, шулай ук Биектау районында яшәүчеләр катнашты.