Министрлык вәкилләре Биектауның халыкны эш белән тәэмин итү үзәге эшчәнлеген тикшерде
18еннән алып 26 нчы гыйнварга кадәр Татарстан Республикасы Хезмәт, халыкны эш белән тәэмин итү һәм социаль яклау министрлыгының вәкаләтле вәкилләре тарафыннан Биектау районының халыкны эш белән тәэмин итү үзәгенең халыкны эш белән тәэмин итү буенча дәүләт гарантияләрен үтәү, инвалидларны эшсез сыйфатында теркәү буенча эшчәнлеген тикшерде. Әлеге тикшерү Россия Федерациясенең "Халыкны эш белән тәэмин итү турында" Законы һәм башка норматив хокукый актлар нигезендә мәшгульлек үзәгенең эшчәнлеген яхшырту максаты белән башкарыла.
Тикшерү нәтиҗәсендә эш белән тәэмин итү өлкәсендә дәүләт хезмәтләрен алучылар регистрындагы мәгълүматның чынлыктагы фактлар белән тәңгәл килмәве, эшсез дип танудан нигезсез баш тарту; дәүләт хезмәтләре күрсәтү буенча административ регламент нигезендә эш башкармау кебек ялгышлыклар ачыкланган.
Тикшерү нәтиҗәләре буенча актлар төзелеп, табылган кимчелекләрне юк итергә боерык биреләчәк.