Биектау районында Халыкара гаилә көнен билгеләп үттеләр
«Әмәт» Биек ау районы комплекслы социаль хезмәт күрсәтү үзәгенең гаилә һәм балаларга социаль ярдәм бүлеге белән яшьләр эшләре һәм спорт бүлеге берлектә социаль хезмәт алучылар өчен Халыкара гаилә көненә багышланган бәйрәм чарасы оештырды.
Бәйрәмдә кыен тормыш хәлендә торган гаиләләр катнашты. Кунаклар өчен бай программа әзерләнгән иде: якыннары өчен открытка һәм кул эшләнмәләре ясау буенча мастер-класслар, гаилә традицияләрен белү буенча викториналар, командалы эстафеталар һәм хәрәкәтле уеннар. Катнашучылар арасында гаилә фотосурәте конкурсы махсус кызыксыну уятты.
Чараның актив өлеше тәмамлангач, чәй эчү оештырылды. Барлык катнашучылар истәлекле бүләкләр алды.
«Бу чаралар гаилә кыйммәтләрен яклауга, социаль хезмәт алучыларны социализацияләүгә һәм социаль ялгызлыкны җиңү шартларын булдыруга юнәлдерелгән», — дип сөйләде гаилә белән эшләү буенча белгеч Гөлнара Фәйзиева.