Бөтенроссия инвалидлар оешмасы татар төбәк оешмасы физкультура-спорт эшенең иң яхшы постановкасына конкурс турында игълан итте

Бөтенроссия инвалидлар оешмасының  татар төбәк оешмасы, "РИТЭК" ААҖнең грантын тормышка ашыру уңаеннан,  физкультура-спорт эшенең иң яхшы постановкасына конкурс турында игълан итте. Бу бәйге районнар һәм шәһәрләрдәге инвалидлар оешмалары һәм "ТР инвалидлары спорт ассоциациясе"нең төбәк бүлекчәләре арасында уздырыла.
Конкурс Бөек Ватан сугышында Җиңүнең 70 еллыгына багышланган. Ул 2 этапта узачак: Башта гыйнвардан алып февральгә кадәр, ә җиңүчеләр билгеләнгәннән соң, марттан апрельгә чаклы. Башта беренче этапта катнашу өчен  Бөтенроссия инвалидлар оешмасының татар төбәк оешмасы адресына (420034, Казан, Декабристлар урамы, 103) сыйфатнамәле хисап белән фотоматериаллар юлларга кирәк. Оешма җитәкчесе Рифат Ганибаев сүзләренә караганда,  смотр-конкурста җиңүчеләрне яхшы бүләкләр көтә: грамота һәм спорт инвентаре комплектлары. Аларның кыйммәтләре 1 нче урын өчен - 40 мең сум, 2 нче урынга 30 мең, 3 нчегә исә 20 мең сумннан гыйбарәт.  5 мең сумлык истәлекле бүләкләр иң яхшы спортчы-инвалидка, һәм аны әзерләгән өчен аның тренерына биреләчәк.  Мондый бүләккә шәһәрдән дә, авыллардан да булган катнашучылар өмет итә ала.