«Кайгырту» үзәгендә акция уздырдылар

2025 елның 31 октябре, җомга

Мамадыш районы «Кайгырту» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре Сәяси репрессия корбаннарын искә алу көненә багышланган акция үткәрделәр.

Балалар ил тарихындагы фаҗигале битләр турында белделәр, меңләгән кеше нигезсез рәвештә репрессияләргә дучар ителгәнен, төзәтү-хезмәт лагерьларына һәм махсус торакларга җибәрелгәнен белделәр. Сәяси тоткыннарны обелиск янында бер минут тынлык белән искә алдылар.

Мондый чаралар тарихи хәтерне саклауга һәм зыян күрүчеләргә карата кешелекле мөнәсәбәт тәрбияләүгә ярдәм итә.