Минзәләнең социаль хезмәт күрсәтү үзәгендә террорчылыкка каршы айлык кысаларында чара узды

Минзәлә районы халыкка социаль хезмәт күрсәтү комплекслы үзәге белгечләре балигъ булмаган социаль хезмәтләр алучылар белән «Без террорчылыкка һәм экстремизмга каршы» дигән лекция-әңгәмә уздырды һәм стенд ясадылар.

Психолог Ольга Газетдинова балаларга соңгы еллардагы зур фаҗигаләр, шулай ук утлы биналардан кешеләрне чыгарырга ярдәм иткән геройлар турында сөйләде. Шулай ук теракт вакытында үз-үзеңне тоту кагыйдәләре турында сөйләштеләр.