«Шәфкать» социаль хезмәт күрсәтү үзәгендә ата-аналар клубы уңышлы эшли

2025 елның 3 сентябре, чәршәмбе

Түбән Кама районының «Шәфкать» халыкка социаль хезмәт күрсәтү комплекслы үзәгендә «Бәхетле гаилә әлифбасы» ата-аналар клубы кысаларында чираттагы чара уңышлы узды. Очрашуны гаиләгә һәм балаларга социаль ярдәм бүлеге психологы Гүзәл Минһаҗева оештырды.

Дәреснең темасы – «Ата-аналарга нинди ресурслар кирәк?». Чараның беренче өлеше гаилә тормышының катлаулы аспектлары турында фикер алышуга, проблемалы моментларны ачыклауга һәм тәҗрибәле психолог белән бергә чишелешләр эзләүгә багышланган иде. Дәреснең икенче өлешендә ата-аналарның махсус релаксация техникасы һәм ресурсларны торгызу күнегүләре ярдәмендә үз энергияләрен һәм эмоциональ тигезлеген торгызу мөмкинлеге булды.