Минзәләдә социаль хезмәтләр алучы кызыклы чарада булып кайтты

2025 елның 13 августы, чәршәмбе

Минзәлә муниципаль районының халыкка социаль хезмәт күрсәтү комплекслы үзәгендә социаль хезмәтләр алучы Лаусира Ханова социаль хезмәткәр Раушания Хәмидуллина белән бергә «Беренче көлтә» чарасында булдылар.

Басуга уракта катнашучылар – комбайнчылар аларның ярдәмчеләре җыелды. Бу бәйрәм – җиргә һәм игенчеләргә хөрмәт, тамырлары белән ерак үткәннән килгән матур йола.

Социаль хезмәтләр алучы әлеге чарада учакта әзерләнгән сый-ризыктан авыз итте, барлык кунакларны бәйрәм белән котлады, тәмле икмәк өчен рәхмәт белдерде.