«Опека» үзәгендә эмоциональ интеллектны билгеләү буенча дәрес үткәрделәр
Эмоциональ интеллект – башка кешеләрнең хис-кичерешләрен, шулай ук үз психоэмоциональ халәтен аңларга мөмкинлек бирә торган комплекс. Кешеләрнең киң даирәсе белән аралашу белән бәйле һөнәр вәкилләренә эмоциональ интеллектның югары дәрәҗәсе кирәк. Көндәлек тормышта эмоциональ интеллектның югары дәрәҗәсе гаилә һәм ата-аналар арасындагы оптималь мөнәсәбәтләрнең бер шарты булып тора.
2024–2025 елларга балаларның иминлеген тәэмин итүнең төбәк системасын үстерү буенча чаралар комплексын гамәлгә ашыру кысаларында Әлмәт районындагы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы эмоциональ интеллектны диагностикалауга юнәлдерелгән дәресләр үткәрде. Инструментарий сыйфатында «Эмоциональ арт-конструктор» җиһазы кулланылды, ул сәнгать образларын кабул итү нигезендә эмоциональ интеллект дәрәҗәсен диагностикаларга мөмкинлек бирә.