«Апрель» тернәкләндерү үзәгендә ата-аналар клубы очрашуы булды

2025 елның 25 феврале, сишәмбе

25 февральдә Казанның «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгендә (Шмидт урамы, 48б филиалында) гаилә көне кысаларында ата-аналар белән очрашу узды.

Программага укытучы-дефектолог Мария Щербакова чыгышы кертелгән иде, ул кечкенә яшьтәге балаларның аралашу һәм сөйләменең мөһим аспектлары турында сөйләде. Белгеч ата-аналарның үз балаларында сөйләм үсешенә ничек ярдәм итә алуын җентекләп аңлатты. Тыңлаучылар практик тәкъдимнәр һәм борчыган сорауларга җаваплар алдылар.

Логопед Елизавета Гарсия Муньостан планер ясау буенча мастер-класс та мавыктыргыч булып чыкты.