«Астра» тернәкләндерү үзәге эшкә инклюзив практика кертә
Алабуга районында «Астра» мөмкинлекләре чикләнгән балалар һәм яшүсмерләр өчен тернәкләндерү үзәге хезмәткәрләре һәм тәрбияләнүчеләре ведомствоара хезмәттәшлек һәм инклюзив практиканы гамәлгә кертү кысаларында «Йолдызлык» балалар бакчасында булдылар.
Педагог-оештыручы Марина Степанова җитәкчелегендә балалар «Чебен-Цокотуха» интерактив әкиятен күрсәттеләр. Спектакльдә балалар бакчасының чыгарылыш төркемнәре катнашты. Әкияти атмосферага чумып, балалар бер-берсе белән аралаштылар һәм һәркем үзен иҗатта күрсәтә алды.
Шулай ук инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» милли чемпионатына әзерлек кысаларында эстафета үткәрелде.
Мондый чаралар социаль интеграциягә ярдәм итә, иҗади сәләтләрне һәм күнекмәләрне үстерергә мөмкинлек бирә, сәламәт яшәү рәвеше күнекмәләрен формалаштыра һәм үсеш үзенчәлекләре булган балаларга җәмәгатьчелек игътибарын җәлеп итә.