Өлкәннәр көненә багышланган вакансияләр ярминкәләрендә 300ләп казанлы катнашты
Традицион авыл хуҗалыгы ярминкәләрен уздыру кысаларында 28 сентябрьдә Казанның сәүдә мәйданчыкларында Халыкара өлкәннәр көненә багышланган вакансияләр ярминкәләре узды.
Төп мәйданчык «Евроспар» гипермаркеты каршында ачылды. Чарада ТР хезмәт, халыкны эш белән тәэмин итү һәм социаль яклау министры Эльмира Зарипова да булды.
Шәһәрнең эре эш бирүчеләре казанлыларга 1 400дән артык вакансия тәкъдим итте, шуларның 300дән артыгы өлкән яшьтәге кешеләрне эшкә урнаштыру өчен яраклы.
Ярминкәдә катнашучылар арасында «Казан дәүләт казна дары заводы» ФКП, «Казан вертолет заводы» АҖ, «Казанкомпрессормаш» АҖ, «Радиоприбор» АҖ, «Казаноргсинтез» ГАҖ, «Нәфис Косметикс» АҖ, «Тандер» АҖ һәм башкалар бар иде.
Бу көнне казанлылар авыл хуҗалыгы продукциясен сатып алу белән бергә хезмәт базарында кирәкле һөнәрләр белән дә таныша алдылар: комплектлаучы, җыючы, каравылчы, фрезерлаучы, слесарь-ремонтчы, сатучы-кассир, контролер, вахтер, җитештерү һәм хезмәт биналарын җыештыручы һ. б.
Шәһәр буенча чаралар белән 300гә якын кеше колачланды, шуларның 170 тән артыгы – пенсия алды һәм пенсия яшендәге кешеләр.
Төрле мәсьәләләр буенча 105 кеше консультация алды. Беренче әңгәмәне 20дән артык кеше узды.