Булачак әниләр турында кайгыртып
Шушы көннәрдә Лениногорск районының «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы хатын-кызлар консультациясе ярдәмендә булачак әниләр белән дәрес үткәрде.
Тренинг барышында хатын-кызлар үз хисләренә, борчылуларына һәм ана булу белән бәйле өметләренә тирәнрәк карый алдылар. Дәрес интерактив сәламләүдән башланды, анда катнашучылар бер-берсе белән таныштылар һәм тренингтан өметләре турында фикер алыштылар. Психолог берничә күнегү үткәрде. Катнашучылар үзләренең эчке халәтләрен танырга һәм тикшерергә, шулай ук эмоциональ фон белән идарә итү ысулларын өйрәнделәр.
Булачак әниләр шулай ук кызыксындырган сорауларын бирделәр һәм үзләрен борчыган темалар буенча фикер алыштылар.