Көндезге тору бүлекләрендә көндәлек тормышта файдалы күнекмәләр алалар

2024 елның 2 июле, сишәмбе

Яр Чаллы шәһәренең «Ышаныч» халыкка социаль хезмәт күрсәтү комплекслы үзәге белгечләре көндезге тору бүлеге карамагындагылар өчен социаль-көнкүреш адаптациясе буенча дәрес үткәрделәр.

Шушы көннәрдә үзәк белгечләре белән бергә социаль хезмәт алучылар алдан әзерләнгән исемлек буенча азык-төлек сатып алдылар. Кибеткә бару тирә-юньдәгеләр белән аралашу күнекмәләрен үстерүгә ярдәм итә, урамда ориентлашырга һәм акча белән идарә итәргә өйрәтте.

Социаль-көнкүреш адаптациясе буенча практик дәрес социаль хезмәтләр алучыларга тормыш тәҗрибәсе тупларга, мөстәкыйль тормыш һәм җәмгыятьтә социальләшү өчен файдалы күнекмәләрне үстерергә һәм ныгытырга мөмкинлек бирде.