Социаль хезмәтләр алучылар арасында шахмат-шашка турниры узачак

2026 елның 31 марты, сишәмбе

Сәламәт яшәү рәвешен формалаштыру, стационар социаль хезмәт күрсәтү учреждениеләрендә хезмәт алучыларның социаль активлыгын арттыру максатларында министрлык республика шахмат-шашка турниры үткәрә.

Ярышлар:

- 10 яшьтән 18 яшькә кадәрге социаль приютларда тәрбияләнүчеләр арасында;

- өлкәннәр һәм инвалидлар өчен интернат-йортлардан, социаль хезмәт күрсәтү йортларыннан социаль хезмәтләр алучылар арасында (яшь төркемнәрен исәпкә алмыйча) үткәрелә.

Һәр командада – ике кеше.

Катнашу өчен социаль хезмәт күрсәтү учреждениеләре җитәкчеләре Татарстан Республикасы Хезмәт, халыкны эш белән тәэмин итү һәм социаль яклау министрлыгының Республика ресурс үзәгенә гариза җибәрергә тиешләр. Гаризалар 2026 елның 6 апреленнән 5 маена кадәр кабул ителә.