Хезмәт гаилә династиясе – һәр коллективның һәм тармакның горурлыгы
Чалдыркиннар династиясе вәкилләре инде икенче буында Чүпрәле районының «Җылы йорт» балалар һәм яшүсмерләр өчен социаль приютында эшлиләр.
Людмила Николаевна приют ачылганнан бирле приютта пешекче булып эшли. Гомуми хезмәт стажы 16 ел тәшкил итә. Николай Никандорович 7 ел хуҗалык мөдире булып эшли. Хәзерге вакытта лаеклы ялда, Людмила Николаевна белән бергә оныкларын тәрбияләүдә ярдәм итәләр. Алар бергәләп йорт хуҗалыгы белән шөгыльләнәләр.
«Җылы йорт» приютында Чалдыркиннар гаиләсенең өч кызы эшли. Олы кызлары Венера Куракина монда 2002 елдан бирле шәфкать туташы булып эшли. Ирина Маргушова 2009 елдан тәрбияче. 2013 елдан приютта Чалдыркиннар гаиләсенең тагын бер кызы секретарь булып эшли – Надежда Андреева.
Николай һәм Людмила Чалдыркиннарның өч кызы да Татарстан Республикасы Хезмәт, халыкны эш белән тәэмин итү һәм социаль яклау министрлыгының мактау грамоталары, рәхмәт хатлары белән бүләкләнгән.
Людмила Николаевна һәм Николай Никандорович дүрт бала тәрбияләгәннәр, ә хәзер тугыз оныкларына шатланалар.
Чалдыркиннар гаиләсендә өлкәннәрнең гореф-гадәтләрен һәм традицияләрен саклыйлар, әби-бабайлар үрнәгендә оныклар тәрбиялиләр. Тату гаиләдә һәр нәрсәдә тәртип. Күптән түгел гаилә Татарстанның хезмәт династияләрен хөрмәтләүдә катнашты.