Эльмира Зарипованың Мәшгульлек хезмәте хезмәткәрләре көне белән котлавы
Хөрмәтле коллегалар, Татарстан Республикасы мәшгульлек хезмәте хезмәткәрләре һәм ветераннары!
Сезне дәүләт мәшгульлек хезмәте оешуга 35 ел тулу белән котлыйм! Бу гражданнарга һәм эш бирүчеләргә, мәшгульлеккә ярдәм итүгә һәм илебез һәм республикабызның социаль-икътисадый үсешенә юнәлдерелгән унъеллык нәтиҗәле эшне символлаштыра торган әһәмиятле көн.
Татарстан Республикасы мәшгульлек хезмәтендә 400 дән артык белгеч эшли. Ел саен мәшгульлек үзәкләренә төрле мәсьәләләр буенча меңләгән татарстанлы мөрәҗәгать итә. 35 ел эчендә Татарстанда мәшгульлек үзәкләре белгечләре ярдәме белән 2,9 млн кеше эшкә урнаштырылган. Мәшгульлек үзәкләре юлламасы буенча 190,4 мең эшсез татарстанлы яңа һөнәр алган яки квалификациясен күтәргән, 53,1 мең граждан субсидия ярдәмендә үз эшен ачкан.
Оешкан вакыттан мәшгульлек хезмәте зур юл үтте, яңартылды. Хәзер ул заманчарак һәм тагын да клиентларга юнәлтелгән. «Кадрлар» илкүләм проекты кысаларында Татарстанда 49 мәшгульлек үзәге модернизацияләнде, алар гражданнарның тормыш һәм эш бирүчеләрнең бизнес хәлләре кысаларында комплекслы хезмәт күрсәтүгә, шулай ук тиешле сервисларга күчте. Бүген бу 15 тормыш һәм бизнес хәлләре һәм 24 сервис.
Бүген махсус хәрби операциядән кайткан сугышчыларга һәм аларның гаилә әгъзаларына ярдәм итү аерым урын алып тора. Тыныч тормышка уңышлы әйләнеп кайту һәм һөнәри яктан тормышка ашуның мөһимлеген аңлап, мәшгульлек хезмәте МХО ветераннары өчен һөнәри белем бирүнең һәм яңадан укытуның индивидуаль траекторияләрен булдыру өстендә актив эшли, аларны эшкә урнаштыруга ярдәм итә, үз эшен ачуда консультация ярдәме күрсәтә. Без шулай ук МХОда катнашучыларның гаиләләренә ярдәм итүгә зур игътибар бирәбез, аларга һөнәри үсеш өчен мөмкинлекләр табарга ярдәм итәбез.
Тармакның казанышлары һәм уңышлары мәшгульлек хезмәте хезмәткәрләренең фидакарь хезмәтен һәм югары профессионализмын турыдан-туры чагылдыра.
Хөрмәтле коллегалар! Сезгә нык сәламәтлек, гаилә иминлеге һәм ирешкән уңышларыгыз шатлыгы телим. Дәүләт мәшгульлек сәясәте бурычларын тормышка ашыруда сезгә киләчәктә дә уңышлар телим!
Татарстан Республикасы хезмәт, халыкны эш белән тәэмин итү һәм социаль яклау министры Эльмира Зарипова