«Яңарыш» үзәгендә тәрбияләнүчеләрне төрле халыкларның мәдәнияте белән таныштыралар
Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Туган ил сулышын саклыйбыз» грант проектын тормышка ашыру кысаларында балаларны Татарстан Республикасында яшәүче халыкларның гореф-гадәтләре, йолалары һәм бәйрәмнәре белән таныштыру чаралары дәвам итә.
Чираттагы дәрестә педагоглар үзәк тәрбияләнүчеләрен мордва милли мәдәнияте белән таныштырдылар. Балалар халык музыкасын тыңладылар һәм тавыш оркестры стилендә популяр көйләрнең берсен башкарырга тырыштылар, табышмаклар чиштеләр, мордва мифларының берсе турында белделәр.
Дәрес аш бүлмәсендә тәмамланды, анда үзәк тәрбияләнүчеләре мордва милли кухнясы ризыкларын әзерләделәр.
Мондый чаралар күпмилләтле республика мәдәнияте турында белемнәрне киңәйтергә, халыкларның гореф-гадәтләренә хөрмәт белән карарга өйрәтә.