Биектау районында социаль хезмәтләр алучылар патриотик чарада катнаштылар

2024 елның 14 феврале, чәршәмбе

Биектау районының «Өмет» халыкка социаль хезмәт күрсәтү комплекслы үзәге социаль педагоглары балигъ булмаган социаль хезмәт алучылар белән бергә «Әфганстан – тере хәтер» чарасында катнаштылар. Ул патриотик юнәлешле иде.

Балалар Әфган сугышы вакыйгалары, анда катнашучылар белән таныштылар, совет солдатларының батырлыгы турында белделәр.

Социаль педагоглар әйтүенчә, мондый чаралар рухи-әхлакый һәм социаль-тарихи кыйммәтләрне торгызырга ярдәм итә.