«Кояшкай» үзәге карамагындагы балалар инклюзив иҗат конкурсында катнашты

2022 елның 14 декабре, чәршәмбе

Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендәге балалар педагоглар җитәкчелегендә декоратив-гамәли һәм сынлы сәнгать инклюзив конкурсында актив катнаштылар.

«Кабатланмас могҗиза» шәһәр конкурсында җиңүчеләрне һәм катнашучыларны бүләкләү тантанасы «КамАЗ» Мәдәният сараенда узды. Бәйрәмнең иң тантаналы һәм дулкынландыргыч мизгеле – җиңүчеләрне һәм катнашучыларны хөрмәтләү. Һәр номинациядә үзәктә тәрбияләнүчеләрнең бик яхшы нәтиҗәләре бар, аларга грамоталар һәм бүләкләр тапшырылды. Бүләккә барысы да музыкаль спектакленә билетлар алды. Якын киләчәктә балалар әкияти атмосферага чумачак.