«Здравушка» үзәгендә тәрбияләнүчеләр һөнәрләр белән танышуларын дәвам итәләр
Казанның «Здравушка» мөмкинлекләре чикле балалар өчен тернәкләндерү үзәгендә тәрбияләнүчеләр һөнәри юнәлеш бирүче экскурсияләрдә булдылар. Балалар даруханәләрнең, кибетләрнең, почта бүлекчәләренең эше һәм анда эшләүче кешеләрнең һөнәрләренең үзенчәлекләре турында белделәр.
Агымдагы сәфәрнең соңгысы банкка экскурсия булды. Балаларга банк системасында булган һөнәрләр турында гына түгел, финанс грамоталылыгы турында да җентекләп сөйләделәр.
Бер сәгать эчендә балаларга барлык төп бүлекләр күрсәтелде, аппаратларның купюраларны санау һәм ялган банкнотларны ачыклау эшен күрсәттеләр. Яшүсмерләр ил буенча актив кертелә торган яңа санлы түләү технологияләре турында белделәр, шулай ук түләү өчен балдак кебек гаджетларны күрделәр.
Экскурсия ахырында банк хезмәткәре банкоматны куллану буенча әңгәмә үткәрде. Финалда җыелучыларга махсус витринада саклана торган коллекцион тәңкәләр күрсәтелде. Консультант мондый тәңкәләр чыгару тарихын җентекләп сөйләде, хәзерге финанс мөнәсәбәтләрендә нинди максатлар өчен кулланылганнарын аңлатты.