«Кайгырту» приютында «Дуслык көне» узды
Узган шимбәдә, 30 июльдә, Татарстан Республикасы Алексеевск районының «Кайгырту» балалар һәм яшүсмерләр өчен социаль приютында «Дуслык елмаюдан башлана» дигән уен чарасы узды.
Аның төп катнашучылары – мәктәп укучылары булды. Тәрбиячеләр аларга балачактан дуслыкның әһәмиятен аңлатырга тырышалар.
Чара «Дуслык турында притча» дигән видеоролик белән башланып китте, аның төп максаты – тискәре эмоцияләрне истә тотмау, начар гамәлләр кылмау, якын кешене гафу итә белү.
«Дуслык елмаюдан башлана» дигән чара программасы үз эченә дуслык кыйммәтләре турында дискуссияне, көчсезләргә карата мәрхәмәт турында дискуссияне, «Мәкаль җый» һәм «Кем кем белән дус» дигән танып-белү уеннарын, популяр совет һәм Россия мультфильмнары нигезендә оештырылган әкият викторинасын алды. Чара ахырында балалар рольләр буенча «Йомры икмәк» әкиятен уйнаттылар.
«Кайгырту» приюты тәрбиячесе Марина Анисимова сүзләренә караганда, чараның төп максаты ирешелгән: балалар дуслык турында дөрес нәтиҗәләр ясаганнар: бу үзара аңлашу һәм ышанычка нигезләнгән кешеләр берлеге.