Студентлар Югары Ослан интернат йортына ярдәм күрсәттеләр
Казан энергетика университетының беренче курс студентлары «Кар десанты» акциясе кысаларында Югары Ослан өлкәннәр һәм инвалидлар интернат-йортына килде.
Югары уку йорты ректоры Эдвард Абдуллаҗанов исеменнән студентлар социаль хезмәтләр алучыларга бүләкләр – тәмле пироглар тапшырдылар, алар барысына да бик ошады.
Күп кар яву сәбәпле, учреждение территориясендәге барлык юллар кар белән капланган иде, бу исә сәламәтләндерү чараларын саф һавада уздырырга комачаулый. Хәзер өлкән яшьтәге кешеләр һәм инвалидлар бернинди проблемаларсыз урамга чыга ала.
«Без волонтерларга мондый игътибар өчен бик рәхмәтле. Аларның ярдәме безгә социаль хезмәтләрнең сыйфатын күтәрергә ярдәм итә, тәрбияләнүчеләрнең тормышын шатлыклырак һәм тулырак итә», – дип уртаклашты интернат-йорт директоры Тәнзилә Васильева.