Татарстанның ике шәһәрендә «Россия эше» кадрлар үзәкләре уңышлы эшли
Кадрлар потенциалын, хезмәт җитештерүчәнлеген һәм дәүләт хезмәтләрен күрсәтү сыйфатын арттыру максатыннан 2019 елдан Татарстан Республикасы Хезмәт, халыкны эш белән тәэмин итү һәм социаль яклау министрлыгы тарафыннан мәшгульлек хезмәтенең нәтиҗәлелеген арттыруга юнәлдерелгән чаралар тормышка ашырыла. Шулай итеп, «Хезмәт җитештерүчәнлеге һәм мәшгульлеккә ярдәм итү» милли проекты кысаларында Яр Чаллы шәһәре халыкны эш белән тәэмин итү үзәге модернизацияләнде. 2019 елның 25 декабрендә Яр Чаллы шәһәрендә «Россия эше» кадрлар үзәген ачу тантанасы булды.
Бер ел соңрак мәшгульлек хезмәтенең нәтиҗәлелеген арттыру һәм мәшгульлек хезмәте эшчәнлегенә бердәм таләпләрне кертү буенча чараларны гамәлгә ашыруга Әлмәт кушылды. «Демография» милли проектының «Мәшгульлеккә ярдәм итү» федераль проекты кысаларында мәшгульлек үзәген модернизацияләү 2021 елда тәмамланды һәм 2022 елның февралендә Әлмәт шәһәренең «Россия эше» кадрлар үзәге халык өчен үз ишекләрен ачты.
Кадрлар үзәкләре уңайлы һәм клиентлар өчен күпкә җайлырак, аларда мәшгульлек хезмәте белгечләре һәм клиентлар, шул исәптән мөмкинлекләре чикләнгән затлар өчен уңайлы шартлар һәм навигация тудырылган. Халыкны эш белән тәэмин итү үзәкләре хезмәткәрләре укулар уздылар, яңа һөнәри күнекмәләр эшләү буенча тренингларда катнаштылар.
Гражданнар һәм эш бирүчеләр белән хезмәттәшлекне оештыру өчен учреждениеләрдә аерым ачык зоналар, көтү һәм мәгълүмат бирү зоналары, гражданнар һәм эш бирүчеләр белән индивидуаль эш зоналары, төркемле дәресләр заллары, конференцияләр залы булдырылды.
Кадрлар үзәкләре гарантияле әңгәмә буенча хезмәт күрсәтәләр, эш эзләү һәм резюме төзү буенча тренинглар үткәрәләр – бу яңа хезмәтләр гражданнарга эш табарга яки карьера траекториясен алыштырырга ярдәм итә.
Чаллыда һәм Әлмәттә «Бер тәрәзә» принцибы буенча клиентлар белән эшләүнең актив ысулларына күчтеләр. Хәзер хезмәт күрсәтү процессында барлыкка килә торган бурычлар гражданнарның тормыш ситуацияләре һәм эш бирүчеләрнең бизнес-ситуацияләре нигезендә хәл ителә. 2019 елдан башлап кадрлар үзәкләре 10 тормыш һәм бизнес-хәл кертте. Мәшгульлек өлкәсендә дәүләт хезмәтләре күрсәтү белән беррәттән учреждениеләр гражданнарга да, эш бирүчеләргә дә комплекслы хезмәт күрсәтүгә күчтеләр.
Мәсәлән, мәшгульлек линиясе буенча түбәндәге чаралар үткәрелә:
- I, II, III группа инвалидлары инвалидларны тернәкләндерү үзәкләре белән килешүләр төзи һәм психологик ярдәм күрсәтү өчен җибәрелә (798 кеше эшкә урнаштырылган);
- аз керемле гаиләләрдәге, балигъ булмаган балалы хатын-кызлар, шулай ук пенсия яшендәге һәм пенсия яшенә җитмәгән аз керемле гражданнар социаль контракт төзү һәм айлык дәүләт социаль ярдәме алу мәсьәләләре буенча социаль яклау органнарына җибәрелә (1 220 хатын-кыз эшкә урнаштырылган);
- иректән мәхрүм итү рәвешендә җәза үтәүче учреждениеләрдән азат ителгән гражданнар Россия Җәзаларны үтәтү федераль хезмәтенең ТР буенча идарәсе җинаять-башкарма инспекциясе, «Каршыга бер адым» системалы карарлар үзәге» коммерцияле булмаган автоном оешмасы белән халыкның ярдәмгә мохтаҗ төркемнәреннән гражданнарны социальләштерүгә юнәлдерелгән программаларны, чараларны тормышка ашыру буенча хезмәттәшлек итү максатларында килешүләр төзи (50 граждан эшкә урнаштырылган);
- озак вакыт тәнәфестән соң хезмәт эшчәнлеген яңартучы гражданнарга «Россиядә эш» порталына гариза язуда, яшь буенча пенсиягә чыгуны рәсмиләштерүдә ярдәм күрсәтелә. Шулай ук СМС аша хәбәр итү, вакансияләр ярминкәләре үткәрелә, юридик консультацияләр күрсәтелә (473 кеше эшкә урнаштырылган);
- яшь белгечләр, көндезге уку формасындагы студентлар өчен студентлар отрядлары оештырыла. Шулай итеп, 10 кешедән торган «Бармен» отряды булдырылды, 62 кеше эшкә урнаштырылган.
Эш бирүчеләргә кирәкле эшчеләрне сайлап алуда ярдәм итү йөзеннән вакансияләр ярминкәләре, уку йортларында күчмә чаралар, эш бирүче көннәре, эш эзләүчеләр клубы кысаларында оешмалар презентацияләре, гарантияле һәм онлайн-әңгәмә, территориальара ачык сайлап алулар, видеоконференцияләр һ.б. оештырыла.
Кече предприятиене булдыру кысаларында үз эшен ачарга һәм финанс ярдәме алырга теләүче эшсез гражданнар өчен «Бизнес старт» коворкинг-мәйданчыгы оештырыла. Кадрлар үзәкләре эше барышында 464 гражданга бизнес-план эшләү буенча консультация ярдәме күрсәтелде. 120 кеше үз эшен ачты.
562 предприятие кадрлар составын комплектлауда катнашты. Эш нәтиҗәләре буенча 981 кеше эшкә урнаштырылган, 12 кеше сезонлы эш белән тәэмин ителгән.
Кадрлар дефициты вакытында эре бизнеска килгәндә 53 оешма белән эш башкарылган, 96 кеше эшкә урнаштырылган.