Минзәлә интернат-йортында профилактик дәрес үткәргәннәр

2022 елның 20 июне, дүшәмбе

Бүген Минзәлә картлар һәм инвалидлар өчен интернат-йортында наркотикларга каршы айлык кысаларында белгечләр «Наркотикларсыз тормыш» дигән темага мәгълүмат сәгате уздырганнар.

Социаль хезмәт алучылар наркомания турында фильм карадылар, файдалы һәм зарарлы гадәтләрне искә төшерделәр. Интернат-йорты карамагындагылар актив рәвештә тема буенча фикер алышуга кушылдылар, тормышта нинди зарарлы гадәтләр кешенең сәламәтлегенә һәм үз-үзен тотышына тискәре йогынты ясавы, алкоголь һәм башка психотроп матдәләрнең организмга зарарлы йогынтысы турында фикер алыштылар.

Шулай ук социаль эш буенча белгеч чарада катнашучыларга дәрес темасы буенча буклетлар таратты.