Социаль контракт Лениногорскида яшәүче хатын-кызга фастфуд ноктасы ачарга ярдәм итте

Татарстан Республикасы Лениногорск муниципаль районындагы «Исток-Башлангыч» халыкка социаль хезмәт күрсәтү комплекслы үзәге ике баласы булган эшсез хатын-кызга үзмәшгульлек оештырырга ярдәм иткән.

Лениногорскида яшәүче Ф. Эльвираның ике баланы тәэмин итү өчен даими эш урыны һәм тотрыклы хезмәт хакы булмаган. Эльвира социаль контракт ярдәмендә үз эшен ачу мөмкинлеге турында «Исток-Башлангыч» социаль хезмәт күрсәтү үзәгенең телеграм-каналында белгән.

Лениногорскиның гаиләгә һәм балаларга социаль ярдәм күрсәтү бүлегенә мөрәҗәгать иткәннән соң, Эльвира социаль контрактны рәсмиләштерү нечкәлекләре турында консультация алды.

Социаль контракт авыр тормыш хәлен җиңүдә ярдәм итү максатларында граждан белән социаль яклау органы арасында төзелә торган килешү.

Эльвира тиз әзерләнә торган ризык сату буенча киоск арендаларга карар кыла. Кирәкле документларны җыйганнан соң аңа үзмәшгульлек оештыру һәм алып бару өчен 150 мең сум акча бүлеп бирелгән. Нәтиҗәдә, алынган акчаларга ул үзмәшгульлекне гамәлгә ашыру өчен кирәкле җиһазлар сатып алган.

Бүгенге көндә хатын-кыз тиз әзерләнә торган азык-төлек белән тәэмин итү буенча эшчәнлекне уңышлы башкара. Социаль контракт ике бала анасына гаилә ихтыяҗларын тәэмин итү өчен тотрыклы керем тәэмин итәргә ярдәм итте.