«Шәфкать» үзәге карамагындагылар күңелле стартларда катнаштылар

13 апрель көнне Кукмара «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә «Күңелле стартлар» дип исемләнгән спорт ярышы булып узды. Чараның максаты – сәламәт яшәү рәвешен һәм актив ялны пропагандалау.

Ике команда ярышты – «Күңелле балалар» һәм «Футболчылар». Балалар төрле биремнәр үтәделәр, җитезлек, төгәллек, көч һәм зирәклек күрсәттеләр. Күңелле стартлар нәтиҗәләре буенча жюри җиңүчене билгеләде, ике команда да бүләкләр һәм татлы призлар белән бүләкләнде.