«Изгелек» тернәкләндерү үзәгендә бәйрәм концерты узды
Иске Яңа ел алдыннан Яр Чаллы шәһәренең «Изгелек» инвалидларны тернәкләндерү үзәгендә социаль хезмәт алучылар алдында «Наигрыш» халык уен кораллары ансамбле чыгыш ясады.
Алып баручы Эльвира Федорова кызыклы хикәяләре белән композицияләрне кышкы юл, өметләр һәм туган якның матурлыгы турындагы бер сюжетка бәйләде. Программада рус һәм татар классикларының таныш әсәрләре дә, халык җырларының инструменталь версияләре дә бар иде. Башкортстанның атказанган артисты Нурислам Яхин башкаруында танылган композиторларының иң яхшы җырлары, шулай ук халык җырлары яңгырады.
«Мондый концертлар – күңел ачу гына түгел, ә социаль һәм иҗади тернәкләндерүнең мөһим өлеше. Җанлы музыка, аралашу уңай эмоцияләр һәм могҗизаларга ышаныч бүләк итә», – дип уртаклашты «Изгелек» үзәге белгече Оксана Покровская.
Чарада 49 кеше катнашты.