«Ышаныч» үзәгендә тернәкләнүчеләрнең спорт ялы
Яшел Үзән медицина училищесының волонтерлар-медиклары Яшел Үзән шәһәренең «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр өчен «Сәламәтлек көне» дигән чара уздырдылар. Балалар сәламәт яшәү рәвеше турында видеоролик карадылар, физик күнегүләр ясадылар һәм конкурсларда актив катнаштылар. Шулай ук балаларга мәдәни-гигиеник күнекмәләрне формалаштыруга ярдәм итә торган мавыктыргыч уеннар тәкъдим ителде.
Спорт бәйрәме ахырында волонтерлар флешмоб оештырдылар, тернәкләндерү үзәгендә тәрбияләнүчеләргә ватманда ясалган Йөрәк бүләк иттеләр, анда һәр бала үз исемен язды.
Реабилитантларның физик активлыгына футбол белән шөгыльләнү дә ярдәм итә. Балалар тәрбияче һәм медицина хезмәткәре белән бергә даими рәвештә футбол манежына баралар, анда профессиональ тренер белән шөгыльләнәләр. Мондый дәресләр реакция тизлеген, мускулларның көчен, коллективизм хисен һәм команда рухын үстерә.