Югары Ослан интернат-йортында яшәүче хатын-кыз – өстәл теннисы буенча район спартакиадасы җиңүчесе
Югары Ослан районының «Чемпион» спорт комплексында өстәл теннисы буенча спартакиада булып узды. Әлеге ярышларны ел саен «Россия пенсионерлар берлеге»нең Татарстан төбәк бүлеге оештыра.
Ярышларда беренче урынны Югары Ослан өлкәннәр һәм инвалидлар өчен интернат-йортында яшәүче Надежда Лепихина яулады. 75 яшьлек социаль хезмәтләр алучы үзеннән яшьрәк көндәшләрен узды. Бу бик нык шөгыльләнү аркасында мөмкин булды. Моның өчен интернат-йортта барлык шартлар да тудырылган.
Авырлыкларга һәм сәламәтлек белән проблемаларга карамастан, Надежда Алексеевна – тормыш буенча оптимист, ул барлык интернат чараларында да шатланып катнаша, һәрвакыт актив, нәтиҗәгә йөз тота. Н.А. Лепихина – учреждениенең социаль хезмәтләр алучылары өчен дә, спартакиаданың башка катнашучылары өчен дә актив озын гомернең үрнәге булып тора.