«Веста» психологы социаль хезмәт алучыларның гаиләләрендә бәйле мөнәсәбәтләрне профилактикалый

30 ноябрь 2020 ел., дүшәмбе

Рәхимсез мөгамәләне кисәтү буенча эш кысаларында 25 ноябрь көнне Түбән Каманың «Веста» гаиләгә һәм балаларга социаль ярдәм үзәгендә «Рәхим итегез! Бәхетле гаилә» чарасы узды. Чараның максаты – бәйле мөнәсәбәтләрне профилактикалау.

Дәрес башында психолог Наталья Емельянова мәгълүмати өлеш үткәрде һәм катнашучыларга дисфункцияле гаиләләрдәге рольләр турында сөйләде. Белгеч билгеләп үткәнчә, мондый «рольле уенга» ата-аналар гына түгел, балалар да җәлеп ителә. Ул «Гаилә герое», «Гаепсез», «Югалып калган бала», «Гаилә шамакае» кебек балалар ролен санап үтте һәм тасвирлады. «Бәйлелек» тестын узгач, күп кенә катнашучылар үзләрендә гаилә рольләренең теге яки бу сыйфатларын таптылар.

Аннары катнашучылар «Кош һәм йомырка», «Малай һәм скрипка» әкиятләрен укыдылар һәм игътибар фокусын әйләнә-тирәдәгеләр белән конструктив диалогка күчерергә мөмкинлек бирә торган берничә күнегүне башкардылар.

«Кызыклы-файдалы» йомгаклау уенында күп кенә катнашучылар әкиятләрнең асылын аңлау иң катлаулы булып чыкты, чөнки үз фикерләреңне һәм хисләреңне якын кешенең фикерләреннән һәм хисләреннән аеруы гаять авыр, дип билгеләп үттеләр.

Якын кешеләр белән аралашу сыйфат ягыннан яңа дәрәҗәгә күчсен өчен, утырыш ахырында «Веста» үзәге психологы «Аңлашылмаучылык йомгагын сүтәргә» дигән белешмәлек таратты.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International