Югары Ослан районында яшәүче 30 якын өлкән кеше кайнар линия ярдәменнән файдаланды
Югары Осланның «Өмет утравы» халыкка социаль хезмәт күрсәтү комплекслы үзәгендә ялгыз һәм ялгыз яшәүче 65 яшьтән өлкәнрәк кешеләргә азык-төлек, беренче чиратта кирәкле товарлар һәм дарулар китерү буенча кайнар линия эшен дәвам итә.
7 апрельгә булган мәгълүматларга караганда, кайнар линиягә 26 шалтырату килеп ирешкән. Үзәк белгечләре өлкәннәргә азык-төлек китерүгә гаризалар кабул итеп кенә калмыйча, COVID-19 таралуын булдырмау максатларында тыюлар һәм чикләүләр гамәлдә булган чорда хәрәкәт итүгә махсус рөхсәт алу мәсьәләләре буенча да гражданнарга консультацияләр бирәләр.
Югары Ослан муниципаль районында ялгыз һәм ялгыз яшәүче өлкәннәргә азык-төлек китерү мәсьәләләре буенча «Өмет утравы» халыкка социаль хезмәт күрсәтү үзәгенең кайнар линия телефоны: 8 (84379) 2-23-55.