Методик сәгать – хезмәткәрләрнең квалификациясен күтәрү формасы
Казанның комплекслы үзәгенең Яңа Савин районы гаиләгә һәм балаларга социаль ярдәм бүлекчәсендә методик сәгать уздырылды. Чарада Министрлыкның социаль хезмәт күрсәтү методологиясе бүлеге башлыгы урынбасары Л.Т. Чернова, комплекслы үзәк директоры урынбасары Л.К. Корбангалиева һәм мәгълүмати-аналитик бүлек методистлары катнашты.
Гаилә-хокукый бәхәсләрне хәл иткәндә медиатив техникаларны куллану өстенлекле бурычларның берсе булып тора. Чара кысаларында психолог А.Р. Яруллина гаилә эчендәге низагларны хәл иткәндә медиатив техникаларны куллану буенча укулар үткәрде. Теоретик блокта белгечләр тернәкләндерү алымына альтернатива булган «Гаилә советы» технологиясенең төп принципларын карадылар, социаль хезмәтләрдән файдаланучылар белән психокоррекцион эш кысаларында технология элементларын тормышка ашыру тәҗрибәсе белән уртаклаштылар.
Мини-тренинг барышында белгечләр гаилә советын оештыру һәм үткәрү күнекмәләрен үзләштерделәр. Һәр белгечкә медиатор ролендә чыгыш ясау, клиентны мотивацияләү, каршылыклар белән эшләү, ачык мәсьәләләр нигезендә диалог урнаштыру тәҗрибәсе алу мөмкинлеге бирелде.
Методик сәгать белгечләрнең квалификациясен күтәрүгә, аларны инновацион технология белән таныштыруга һәм медиаторларның һөнәри күнекмәләрен үстерүгә ярдәм итте.