«Здравушка» тернәкләндерү үзәгендә юл йөрү кагыйдәләрен искә төшерделәр

2020 елның 7 феврале, җомга

Казанның «Здравушка» мөмкинлекләре чикле балалар һәм яшүсмерләр өчен тернәкләндерү үзәгендә «Юл йөрү кагыйдәләре» дигән ачык дәрес узды.

ЮХИДИ хезмәткәрләре катнашкан әлеге чара юл-транспорт имгәнүләрен кисәтү буенча эш кысаларында үткәрелде. Инспекторлар балаларга юл хәрәкәтенең төп кагыйдәләрен искә төшерделәр. Дәрестә шулай ук «Автошәһәрчек» –светофорлар һәм юл билгеләрен имитацияләүче комплекс файдаланылды.