«Кайгырту» үзәгендә ата-аналар өчен хәмернең зыяны турында лекция үткәрделәр

Шушы көннәрдә Әлмәтнең «Кайгырту» халыкка социаль хезмәт күрсәтү комплекслы үзәгендә «Хәмер һәм ялган аракы белән агулануны кисәтү» темасына лекция узды. Әлеге чарада тугыз ата-ана катнашты.

Үзәк белгечләре, ата-аналарда начар гадәтләргә тискәре караш булдыру һәм яшәү рәвешен сайлауның нинди җаваплы икәнен аңлату өчен, хәмернең кеше организмына начар йогынтысы турында объектив мәгълүмат бирергә тырыштылар.