Әлки интернат-йортында юбилей

2018 елның 3 апреле, сишәмбе

Әлки районының картлар һәм инвалидлар өчен интернат-йортында тыл ветераны Татьяна Володинаның 90 яшьлек юбилеен билгеләп үттеләр.

Татьяна Ефим кызын Туган көне белән Әлки муниципаль районы администрациясе вәкилләре, интернат-йортының директоры Евгений Васяйчев котладылар.

Шулай ук тыл ветеранына Россия Федерациясе Президенты Владимир Путин исеменнән котлау хатын тапшырдылар.

Татьяна Ефим кызын бәйрәмен туганнары, гаиләсе белән бергә билгеләп үтте.