Министр Эльмира Зарипова өлкәннәргә социаль ярдәм күрсәтү чаралары турында туры эфирда сөйләде

Бүген Татарстан Республикасы хезмәт, халыкны эш белән тәэмин итү һәм социаль яклау министры Эльмира Зарипова "Татарстан - яңа гасыр" телеканалында "Исәнмесез" тапшыруында катнашты. 

Алып баручылар белән аралашу барышында Эльмира Зарипова өлкән буын вәкилләренә социаль ярдәм күрсәтү чаралары турында сөйләде. Сүз шулай ук  татарстанлылар өчен әлегә яңа  проект - "Өлкән кешене гаиләгә алу” республика проектын тормышка ашыру нәтиҗәләре хакында да барды.

Күтәрелгән тагын бер актуаль тема -  пенсия яшендәге һәм пенсия яшенә җитмәгән гражданнарны эшкә урнаштыру. Шулай ук Эльмира Зарипова республикада өлкәннәр Декадасы  кысаларында узачак чаралар турында сөйләде .