Уен аша мөһим нәрсәләр турында
Финанс белеме дәресләре кысаларында Алексеевск районының «Кайгырту» балалар һәм яшүсмерләр өчен социаль приютында «Сәүдә үзәге: сатып алабыз, сатабыз һәм алмашабыз» дигән сюжетлы-рольле уен узды.
Дәрес А. Н. Толстойның «Алтын ачкыч, я Буратино маҗаралары» әсәре буенча сораштырудан башланды. Текст эчтәлеге буенча сорауларга җавап биреп, тәрбияләнүчеләр баш геройның үз беркатлылыгы йөзеннән алтын тәңкәләрен җиргә күмеп, акча агачы үсүен көткән гамәлләре турында актив фикер алыштылар. Әкият персонажы мисалында балалар, уйламыйча чит кеше киңәшләрен тыңласаң, акча белән нәрсә булачагын аңладылар.
Тәрбияче Виктор Лифанов, финанс белемен арттыру өчен, балаларга «Сәүдә үзәге: сатып алабыз, сатабыз һәм алмашабыз» сюжетлы-рольле уенда катнашырга тәкъдим итте.