«Тәтеш балкышы» үзәге психологы булачак әниләрне ресурсларны тиз торгызырга өйрәтте

2026 елның 8 апреле, чәршәмбе

«Гаилә» илкүләм проекты кысаларында «Тәтеш балкышы» халыкка социаль хезмәт күрсәтү комплекслы үзәге психологы Рима Фазылова Йөкле хатын-кызлар көненә багышланган чарада катнашты.

Белгеч булачак әниләр белән «Ресурс урыны» күнегүен үткәрде. Йөклелек – хатын-кыз физиологиясендә генә түгел, ә аның психологиясендә дә үзгәрешләр вакыты булу сәбәпле, күнегүнең максаты тиз тернәкләнүгә өйрәтү иде.

Чарада катнашучыларның барысына да булачак әниләргә киңәшләр белән «Сезнең балагыз булачак» белешмәләре тапшырылды.