ЯҢАЛЫКЛАР
«Менталь сәламәтлек» Идел буе федераль округы проектын гамәлгә ашыру кысаларында Яшел Үзән районында «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәгенең көндезге тору төркемендә «Сәламәтлек сукмагы» инновацион уен технологиясен кулланалар.
«Торак» профилактик операциясе кысаларында Югары Ослан районында авыр тормыш хәлендә һәм социаль яктан куркыныч хәлдә булган гаиләләр йортларында автоном янгын хәбәрчеләрен урнаштыру буенча акция бара.
Зәй шәһәре волонтерлары җирле ветераннар оешмасы белән берлектә «Шатлык» халыкка социаль хезмәт күрсәтү комплекслы үзәге тарафыннан гамәлгә ашырыла торган «Бер сәгатькә ул» проектында актив катнаштылар. Инициатива кысаларында ир-атлар көнкүреш ихтыяҗларын мөстәкыйль рәвештә хәл итү сәләтен югалткан өлкән яшьтәге кешеләргә ярдәм күрсәтә.
Яр Чаллы шәһәренең «Ышаныч» халыкка социаль хезмәт күрсәтү комплекслы үзәге карамагындагыларны көндезге эш белән тәэмин итү, Идел буе федераль округының «Менталь сәламәтлек» проектын гамәлгә ашыру кысаларында психолог Надежда Горячева дискуссион кино клубы форматында мавыктыргыч дәрес үткәрде.
15 һәм 16 сентябрьдә Казанда «Ксенофобия деструктив күренеш буларак: балигъ булмаганнар арасында милләтара һәм динара конфликтларның үзенчәлекләре һәм профилактикасы» темасына семинар узды. Чарада шулай ук Әлмәт районы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге мөдире Разилә Әхмәтвәлиева катнашты.
Чистайның «Юлдаш» өлкәннәр һәм инвалидлар өчен интернат-йортында махсус хәрби операциядә катнашучыларга бик теләп ярдәм итәләр. Хәйрия акцияләрендә учреждение хезмәткәрләре дә, социаль хезмәтләр алучылар да катнаша.
Балтач районында авыл җирендә яшәүче 65 яшьтән өлкәнрәк гражданнарны медицина оешмасына китерү буенча «Гаилә» илкүләм проекты чаралары дәвам итә. Аларны район үзәк хастаханәсе һәм «Наз» халыкка социаль хезмәт күрсәтү комплекслы үзәге үткәрә.
Бүген, Бердәм юл хәрәкәте иминлеге көнендә, Бөтенроссия юл хәрәкәте иминлеге атналыгы кысаларында Спас интернат-йортының социаль хезмәтләрен алучылар өчен интерактив профилактик әңгәмә үткәрелде.
Татарстан Республикасы Хезмәт, халыкны эш белән тәэмин итү һәм социаль яклау министрлыгы 2025 елның 1 сентябреннән 30 сентябренә кадәр техник сәбәпләр аркасында Казанның Киров һәм Мәскәү районнарында яшәүче аерым бюджет тармаклары хезмәткәрләрен һәм пенсионерларны шифаханә-курорт дәвалану (шифаханә-курорт дәвалануга юлламалар һәм шифаханә-курорт дәвалануга электрон сертификатлар) мәсьәләләре буенча кабул итү Министрлыкта гамәлгә ашырылачагы турында хәбәр итә (Казан шәһәре, Волгоград ур., 47 йорт, 101 нче каб.).
Алабуга районында «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә тәүлек буе эшли торган бүлек балалары график дизайнер һөнәре белән таныштылар.