ЯҢАЛЫКЛАР

Аксубай районындагы «Хыял» балалар һәм яшүсмерләр социаль приютында тәрбияләнүчеләр Бөек Ватан сугышында Җиңүнең 80 еллыгына багышланган кул эшләре әзерлиләр.

Түбән Кама районының «Шәфкать» халыкка социаль хезмәт күрсәтү комплекслы үзәгендә өстәл теннисы буенча «Җитезлек кубогы» турниры узды, анда көндезге тору бүлегенең социаль хезмәт алучылары катнашты.

18 апрельдә Татарстанда «Россия эше. Мөмкинлекләр вакыты» Бөтенроссия эшкә урнаштыру ярминкәсенең төбәк этабы узачак. Бу ел саен үткәрелә торган вакыйга, ул кече һәм урта бизнестан алып зур корпорацияләргә кадәр сәнәгатьнең төрле тармакларыннан эш эзләүчеләрне һәм эш бирүчеләрне берләштерә. 2025 елда чара «Кадрлар» илкүләм проектын гамәлгә ашыру кысаларында уздырыла.

9 апрельдә Казан шәһәре Авиатөзелеш районының гаиләгә һәм балаларга социаль ярдәм бүлекчәсе базасында «Балигъ булмаганнарның психоэмоциональ җәрәхәтләрен җиңүгә юнәлдерелгән нәтиҗәле практикалар: Казан шәһәренең халыкка социаль хезмәт күрсәтү комплекслы үзәге тәҗрибәсе» стажировка мәйданчыгы оештырылды. Стажировка мәйданчыгы эшендә Татарстан Республикасы Хезмәт, халыкны эш белән тәэмин итү һәм социаль яклау министрлыгы карамагындагы учреждениеләрнең белгечләре һәм җитәкчеләре катнашты.

Әлмәт районы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе хезмәткәрләре социаль хезмәт алучылар өчен махсус хәрби операциядә катнашучы Андрей Мазанов белән әңгәмә оештырдылар.

Минзәлә өлкәннәр һәм инвалидлар интернат-йортында «Адымнар энергиясе» дигән чара узды. Ул «Гаилә» илкүләм проектының «Өлкән буын» федераль проекты кысаларында гамәлгә ашырыла торган «Актив озак гомерлелек» программасы буенча оештырылды.

Бөек Ватан сугышында Җиңүнең 80 еллыгы һәм Ватанны саклаучылар елы кысаларында Аксубай районының «Хыял» балалар һәм яшүсмерләр өчен социаль приютында тәрбияләнүчеләр районның туган якны өйрәнү музеенда булдылар.

Гадәттәгечә, Казанның «Восхождение» инвалидларны тернәкләндерү үзәге «Абилимпикс» чемпионатының төбәк этабында катнашу номинацияләрен киңәйтә. Быел үзәк ярышларда катнашу өчен махсус хәрби операциядә катнашучы ике кешене әзерләде.

2016 елдан Татарстан Республикасында «Абилимпикс» хәрәкәте үсеш ала, аның максаты инвалид һәм сәламәтлек мөмкинлекләре чикләнгән кешеләрнең социаль инклюзиясен үстерү, аларның үзбилгеләнүчәнлеген арттыру, үз-үзен үстерү, шулай ук аларның хезмәт мәшгульлегенә ярдәм итү.

9 апрельдә район үзәк хастаханәсенә диспансерлаштыру узу өчен Тукай районының Таулар авылыннан өлкәннәр китерелде. Аларны социаль хезмәткәр Земфира Мифтахова озата йөрде. Ул фельдшерга пассажирлар ташуны оештыруда ярдәм итте, өлкән яшьтәге гражданнарны утыртуда һәм төшерүдә булышты.