Эльмира Зарипова яшь әниләргә яңа туган балалар өчен бүләк комплектлары тапшырды
Бүген, Халыкара хатын-кызлар көне алдыннан, ТР хезмәт, халыкны эш белән тәэмин итү һәм социаль яклау министры Эльмира Зарипова М. Н. Садыйков исемендәге 7 нче шәһәр клиник хастаханәсе каршындагы перинаталь үзәктән махсус хәрби операциядә катнашучыларның тормыш иптәшләрен чыгару тантанасында катнашты.
Бала тудыру йортыннан Ватанны саклаучылар көнендә кыз бала тапкан Алена Жаруллинаны һәм 28 февральдә улы туган Чулпан Нәҗипованы чыкты. Алена Жаруллина өчен бу беренче бала булса, Чулпан Нәҗипова – күпбалалы әни, хәзер аның дүрт баласы бар.
Эльмира Зарипова гаиләләргә яңа туган сабыйлар өчен бүләк комплектлары тапшырды, аларда барлык кирәкле әйберләр бар: трансформер-комбинезон, яңа туган балалар өчен кокон-мендәр, киез итек, сырган юрган, махра җыелмасы, балалар подгузниклары, яңа туган балалар өчен җыелма, пеленкалар, кер юу порошогы, берничә төрле сабын, гель-шампунь һәм тән өчен җиңелчә крем. Әлеге ярдәм чарасы «Гаилә» илкүләм проекты кысаларында гамәлгә ашырыла һәм җан башына уртача кереме яшәү минимумыннан артмаганнар өчен каралган. МХОда катнашучыларның гаиләләренә мондый җыелмалар керем дәрәҗәсенә карамастан бирелә.
Журналистлар белән әңгәмәдә министр «Гаилә» илкүләм проекты кысаларында балалы гаиләләргә ярдәм итүнең башка чаралары турында да сөйләде.