Алабуга интернат-йорты хезмәткәре республика конкурсында җиңүче булды

2026 елның 6 марты, җомга

Халыкара хатын-кызлар көне алдыннан Татарстан Республикасы Премьер-министры Алексей Песошин «Ел хатын-кызы. Ел ир-аты: хатын-кыз карашы» республика конкурсында җиңүчеләрне бүләкләү тантанасында катнашты.

Чарада катнашучыларның берсе Алабуга өлкәннәр һәм инвалидлар интернат-йортының шәфкать туташы Зөлфия Агләмова булды. Ул «Минем язмышым – минем һөнәрем» номинациясендә җиңүче дип танылды.

Алексей Песошин катнашучыларны якынлашып килүче Халыкара хатын-кызлар көне белән котлады, ел саен үткәрелә торган конкурс – җәмгыять тормышында хатын-кызларның күпкырлы ролен тану, дип билгеләп үтте.