Зәйдә социаль хезмәт алучыларны 8 Март белән котлыйлар

2026 елның 5 марты, пәнҗешәмбе

4 март көнне Зәй районының «Шатлык» халыкка социаль хезмәт күрсәтү комплекслы үзәге белгечләре социаль хезмәт алучылар өчен бәйрәм чарасы үткәрделәр.

«Россия хатын-кызлары – матурлык һәм көч» бәйрәме кунаклары өчен бай программа әзерләнгән иде. Әниләр һәм балалар бәйрәмнең тарихын белделәр, күңелле конкурсларда һәм уеннарда катнаштылар. Кичә оригиналь бүләк ясау буенча иҗади мастер-класс белән тәмамланды. Һәр әни мәхәббәт белән балалар куллары белән ясалган уникаль сувенир алды.