ЯҢАЛЫКЛАР

«Актив озын гомерлелек» тернәкләндерү программасын гамәлгә ашыру кысаларында Спас өлкәннәр һәм инвалидлар интернат-йортының социаль хезмәтләр алучылары экологик рейдка кушылды.

Песнәк көне – 2000 еллар башында Россия кошларны саклау берлеге инициативасы белән булдырылган экологик бәйрәм. Ул ел саен 12 ноябрьдә билгеләп үтелә.

Спас өлкәннәр һәм инвалидлар интернат-йортында тәрбияче Ирина Телицына кулдан килгән материалдан җимлекләр ясау буенча экологик мастер-класс үткәрде.

18 октябрьдә Казанның «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәгендә үзәк хезмәткәрләре социаль хезмәтләр алучылар белән берлектә «Россия эрбет агачлары» бөтенроссия проекты кысаларында экологик акция үткәрделәр. 

14 сентябрьдә Бөгелмә районындагы «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәге хезмәткәрләре акыллы куллану фестивалендә катнаштылар.

«Әкият» балалар үзәгенең инклюзив иҗади лабораториясе волонтерлары Казан шәһәренең халыкка социаль хезмәт күрсәтү комплекслы үзәгенең көндезге тору бүлегендә социаль хезмәтләр алучылар белән тематик мастер-класс үткәрделәр, «Арт-класс» инклюзив студиясе резидентлары һәм педагоглары тарафыннан Ирина Фролова әкиятенә нигезләнеп төшерелгән «Зәңгәр кит һәм кечкенә балык» мультфильмын күрсәттеләр. Мультфильмны караганнан соң океаннарны һәм диңгезләрне пластик чүп-чардан саклау кирәклеге турында фикер алыштылар.

Табигатькә карата мәхәббәт һәм сакчыл мөнәсәбәт тәрбияләү максатыннан 27 августта Алексеевск районы «Кайгырту» балалар һәм яшүсмерләр өчен социаль приютында су ресурсларын саклауның мөһимлеге турында күзаллау формалаштыру буенча «Табигатьне саклагыз» экологик экскурсиясе узды.

Алабуганың «Астра» мөмкинлекләре чикләнгән балалар һәм яшүсмерләр тернәкләндерү үзәгендә тәрбияләнүчеләр өчен экологик тәрбия кысаларында Мальцево авылындагы «Төньяк сулышы» гаилә экофермасына экскурсия оештырылды.

Аксубай районының «Хыял» балалар һәм яшүсмерләр өчен социаль приютында тәрбияләнүчеләр «Чиста яр» акциясендә катнаштылар. Чараның максаты – сулык ярларын чүп-чардан чистарту һәм кешеләрнең табигатькә карата сакчыл мөнәсәбәтен формалаштыру.

Гаилә елына багышланган чаралар кысаларында Алексеевск районының «Кайгырту» балалар һәм яшүсмерләр социаль приютында «Табигать белән гармониядә» гаилә ял көннәре» дигән чара үткәрелде. Чара балалар һәм ата-аналар мөнәсәбәтләрен ныгытуга һәм әйләнә-тирә мохит белән экологик грамоталы хезмәттәшлек күнекмәләрен формалаштыруга юнәлдерелгән.