1 нче июнь көнне Азнакай шәһәре халыкны эш белән тәэмин итү үзәге белгечләре Балаларны яклау көненә багышлап, балигъ булмаган гражданнар өчен вакантлы эш урыннары ярминкәсе оештырды.
Ярминкәдә районнан барлыгы 7 эш бирүче катнашты.
96 яшүсмер эшкә юллама алды.
Шулай ук, ярминкә барышында балалар эшкә урнашу турында консультация алды, һөнәр сайлау буенча компьютер аркылы тестлар да узды.