“Кайгырту” үзәге белгечләре үзәк карамагындагыларның өйләрендә мастер-класслар үткәрә
Айның һәр сишәмбесендә Питрәч районы “Кайгырту” комплекслы социаль хезмәт күрсәтү үзәгенең өйгә барып хезмәт күрсәтү бүлеге белгечләре үзләре карамагындагыларның өйләренә барып мастер-класслар үткәрә.
Алар белән аерым да, төркемләп тә шөгыльләнә. Белгечләр “Арт – өлкән яшьтәге кешеләр белән өй шартларында эшләү ысуллары” программасы буенча крючок (ыргак) һәм энәләр белән бәйләү бәйли, үз куллары белән открыткалардан, картоннардан, төсле кәгазьләрдән һәм башкалар белән төрледән-төрле эшләнмәләр ясый
Әлеге шөгыль өлкәннәргә үз проблемаларын аз гына вакытка булса да онытып торырга ярдәм итә һәм бер-берсе белән аралашу мөмкинлеге бирә. Алар сүзләренә караганда мондый шөгыльләр сәламәтлек һәм күңел өчен бик кирәк.
Өлкәннәр белгечләргә яшьтәшләре белән аралашу мөмкинлеге биргән өчен чиксез рәхмәтле.