Арча “Өмет чаткысы” мөмкинлекләре чикләнгән балаларны тернәкләндерү үзәгендә балалар Гәлимуллина Сөмбелнең әбисе, хезмәт укытучысы Шәрипова Найлә Багизовна җитәкчелегендә төрле кул астындагы материаллардан фото сүрәтләр өчен рамкалар ясады. Әлеге мастер-класс барышында балалар “Ташландык материаллардан” бүләкләр әзерләде. Кайбер балалар үз фотоларын куеп та эшләде.
“Өмет чаткысы” үзәгенә мондый мастер-класслар күрсәтү гадәткә кереп бара. Алар балалар өчен тәрбия чарасы булып тора, коллективта үз урыннарын табарга, матурлыкны, гүзәллекне күрергә ярдәм итә.