Алабуга интернат-йортында күңел ачу чаралары оештырылды

Шушы көннәрдә Алабуга өлкәннәр һәм инвалидлар өчен интернат-йортында Михаил Таль истәлегенә багышланган шахмат-шашка турниры узды. Чара барышында үзәк карамагындагылар танылган шахматистның тормышы, уңышлары һәм биографиясенең кызыклы фактлары белән танышты, төрле видеоматериаллар карады. Аннан соң өлкәннәр турнирны башлап җибәрде.

Шулай ук учреждениедә яшәүчеләр өчен "Караоке-блюз" дип аталган музыкаль чара да оештырылды. Ике командага бүленеп, өлкәннәр конкурсларда катнашты, җырлар җырлады.